Un disc eveniment
Lo 19 de junh de 2008, l'opera Comèdia de Montpelhièr aculhissiá un dels grands eveniments del centenari de Max Roqueta : un concèrt excepcional que recampava, jos la direccion de Laurent Audemard, un ensem de 5 musicians, de 4 cantaires, e d'un diseire per celebrar en musicas l'òbra poëtica de l'escriveire occitan.
Mesclant de cant, de musicas tradicionalas e contemporanèas, de jazz e de poësia, aquela creacion unica dins sa mena, es uòi publicada per BUDA Musique jos la forma d'un cofret, que l'associacion Amistats Max Roqueta n'assegura la produccion.
